- مطابق
![په اقصی کې تلمودي صلوات؛ پر صلاح الدین نوی غږ!](/pa/media/k2/items/cache/286a7da6e8285f102ae4f70ad61cf6d9_L.jpg?t=1722996972)
(ژباړه)
خبر:
د الجزیرې ویبسایټ راپور ورکړ چې د یهود میشتو ښارګوټو ډیرو اوسېدونکو د جولای په ۲۳مه د اقصی جومات انګړ ته په زوره ننوتل چې تملودي صلوات ووایي. دغه خبر د «نن ۱۸۴ یهود د اقصی جومات انګړ ته په زور ننوتل» تر سرلیک لاندې خپور شو.
تبصره:
د یهودي رژیم ظلمونه لا هم پراخ روان دي؛ په غزه کې بې دفاع خلک په بې خورا وحشت وژني، مجاهد ځوانان په جنین او طولکرم او د ختیځې تړانګې په نورو سیمو کې شکنجه کوي، په قدس کې فساد کوي او د اقصی جومات انګړ ته په بې شرمۍ ننوځي؛ خو دا خبرونه خپریږي او هیریږي.
پر اقصی بریدونه غږ او په غزې کې وژنې رسنیز پوښښ نه لري. ایا اسلامي امت ویده دی!؟ ایا د وینو او وژنو له پیښو او صحنو سره عادت شوی!؟ د هغو کسانو لخوا چې د خنزیر او شادیانو وروڼه بلل کیږي، پر اقصی برید پر یو عادي خبر بدل شوی چې وینه مو په جوش نه راولي!؟
که یهود له دغې جګړې وړاندې د مجد الاقصی د زماني او مکاني ویش لپاره د خپل پلان مطابق مخکې تلل، چې د ابراهیمي جومات په څېر یې کړي؛ اوس چې ټول اسلامي امت د غزې مسلمانان یوازې پریښي او د یهودو د ظلمونو او وحشتونو پر وړاندې چوپ دي، یهود خپلې موخې ته نیږدې شوي او طمع یې ډیره شوې ده. که امت او پوځونه یې، علما او ټول ځواکونه د اقصی مرسته ونه کړي؛ وروسته بیا چغې او ژړاوې ګټه نه لري.
د اردن، الجزایر، مصر او نورو اسلامي هېوادونو په پوځونو کې مخلص مسلمانان څه ته په تمه دي؟ ایا د مړو جسدونه او سوځېدلي جنازې تاسو په حرکت نه راولي!؟ ایا د رسول الله صلی الله علیه وسلم د مسری لپاره حرکت نه کوئ!؟
څه ته اړتیا ده چې د ظالمو او خاینو حکامو له اطاعت څخه لاس واخلئ او د الله سبحانه وتعالی او د هغه د رسول صلی الله علیه وسلم د رضا ترلاسه کولو لپاره حرکت وکړئ چې د دنیا او آخرت اتلان مو کړي؟ او د قیامت تر ورځې به له اسمانه ستاسو لپاره غږ کیږي: مسجد الاقصی چا د یهودو له منګولو ازاد کړ؟ او یا غواړئ چې الله سبحانه وتعالی درته ووایي: چا زما د رسول د مسری سپکاوي ته اجازه ورکړه او پرې یې ښوده چې زما دښمنان هغه چټله کړي!؟
اې د اسلامي امت په پوځونو کې افسرانو! ایا غواړئ اقصی جومات د مغصوب علیهم په ډیسکوټیک بدل شي!؟ الله سبحانه وتعالی فرمایلي دي:
﴿أَلَا تُقَاتِلُونَ قَوْمًا نَّكَثُوا أَيْمَانَهُمْ وَهَمُّوا بِإِخْرَاجِ الرَّسُولِ وَهُم بَدَءُوكُمْ أَوَّلَ مَرَّةٍ ۚ أَتَخْشَوْنَهُمْ ۚ فَاللَّهُ أَحَقُّ أَن تَخْشَوْهُ إِن كُنتُم مُّؤْمِنِينَ﴾ [توبه: ۱۳]
ژباړه: «ایا له هغو خلکو سره نه جنګیږئ چې خپل تړونونه يې (مکرراً) مات کړي دي او (مخکې هم هغوی و چې) (له مکې څخه) د پیغمبر د ایستلو پریکړه یې وکړه او هغوی لومړی تیری کړی و. ایا تاسو له هغوی څخه ویریږئ؟ الله د دې ښه حقدار دی چې ورڅخه ووېریږئ، که تاسو مومنان یئ».
لیکوال: بیان جمال
۱۴۴۶هـ.ق د محرم ۲۱مه
۲۰۲۴م د جولای ۲۷مه